အပျော်တမ်း ပြည်တွင်းဘောလုံးကလပ် အသင်း(၅၀)ပါဝင်သည့် အုပ်စု(၁၀)စု၏ ဖူဆယ်ပြိုင်ပွဲ ဇွန် (၂၂)ရက်တွင် စတင်မည်
ဇွန်လ ၁၉ ရက်
အပျော်တမ်း ပြည်တွင်းဘောလုံးကလပ် အသင်းပေါင်း(၅၀) ပါဝင်သည့် အုပ်စု (၁၀)စု၏ MFF Max Energy Futsal Amateur Cup 2024 ပြိုင်ပွဲကို ဇွန်လ (၂၂) ရက် စနေနေ့ တွင် စတင်ကျင်းပသွားမည်ဖြစ်ကြောင်း သိရပါတယ်။
ပြိုင်ပွဲအတွက် ဇွန်(၁၇)ရက် ညနေပိုင်းက မြန်မာနိုင်ငံဘောလုံးအဖွဲချုပ် အစည်းအဝေးခန်းမ၌ အုပ်စုခွဲဝေမှုအား မဲခွဲဆုံးဖြတ်ခဲ့ကြပါတယ်။
ပြိုင်ပွဲတွင် တစ်အုပ်စုလျှင် အသင်း(၅) သင်းဖြင့် အုပ်စု (၁၀)စုကို ဖွဲ့စည်းထားကာ၊ အုပ်စု တစ်ခုချင်းစီ၏ အုပ်စု ပထမနှင့် ဒုတိယ ရရှိသော အသင်းများအနေဖြင့် ဒုတိယအဆင့် ရှုံးထွက်ပွဲစဉ်များကို ဆက်လက်ယှဉ်ပြိုင်ကစားရမည် ဖြစ်ပါတယ်။
