ချန်ပီယံရှစ်ရဲ့ ချန်ပီယံအဖြစ်နဲ့ ပရီးမီးယားလိဂ်ဆီကို ပြန်လည် ချီတက်လာမယ့် မြေခွေးပြာများ
ပရီးမီးယားလိဂ်ပြိုင်ပွဲဆီကို တန်းပြန်တက်ခွင့် ရရှိထားတဲ့ လက်စတာအသင်းဟာ ဒီညမှာပဲ ပရက်စတန်အသင်းကို (၃)ဂိုးပြတ်နဲ့ အနိုင်ရလိုက်တာကြောင့် ချန်ပီယံရှစ်ပြိုင်ပွဲရဲ့ ချန်ပီယံပါ ဖြစ်သွားခဲ့ရပါတယ်။ ဒါကြောင့် လက်စတာအသင်းဟာ ပရီးမီးယားလိဂ်ကနေ တန်းဆင်းခဲ့ရပြီး တစ်နှစ်အကြာမှာပဲ ချန်ပီယံရှစ်ရဲ့ အမှတ်ပေး ချန်ပီယံဆုနဲ့အတူ ပရီးမီးယားလိဂ် ပြိုင်ပွဲဆီကို တစ်ဖန်ပြန်လည် တက်လှမ်းလာနိုင်ခဲ့ပြီ ဖြစ်ပါတယ်။
လက်စတာနဲ့အတူ ပရီးမီးယားလိဂ်ပြိုင်ပွဲဆီ တိုက်ရိုက် တန်းတက်ခွင့် ရရှိနိုင်မယ့် အဆင့် (၂)နေရာအတွက်ကိုတော့ လိဒ်စ်နဲ့ အစ်ဝစ်ချ်တို့က အပြိုင်ဖြစ်နေကြပြီး လိဒ်စ်က အစ်ဝစ်ချ်ထက် တစ်ပွဲပိုကစားထားပြီး အမှတ် (၉၀)ချင်း တူနေတာကြောင့် အစ်ဝစ်ချ်အသင်းမှာ အခွင့်အရေး ပိုရှိနေရပါတယ်။
