ငလျင်ဒဏ်သင့် ဟိုပုံးမြို့သို့ နစက ဥက္ကဋ္ဌရောက်ရှိ
မန္တလေးငလျင်ကြီးဒဏ်သင့် ရှမ်းပြည််နယ်(တောင်ပိုင်း)၊ ဟိုပုံးမြို့သို့ နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်မှ ဧပြီ ၁၀ ရက်ကသွားရောက်၍ ပျက်စီးခဲ့ရသည့်အခြေအနေများကို ကြည့်ရှုစစ်ဆေးခဲ့သည်။
ဟိုပုံးမြို့ကျက်သရေဆောင် သီရိမင်္ဂလာရွှေချမ်းသာမွေတော်ဘုရားကြီးအား ဖူးမြော် ကြည်ညိုပြီးနောက် ဟိုပုံးမြို့နယ် သံဃနာယကအဖွဲ့ဥက္ကဋ္ဌ ဟိုခိုကျောင်းဆရာတော်ကိုလည်း ဖူးမြော်ကြည်ညိုခဲ့သည်။
ထိုသို့ ဟိုခိုကျောင်းဆရာတော်အား ဖူးမြှော်ကြည်ညိုရာ ဘုရားကြီးပရိဝုဏ်အတွင်းရှိ ဘုရားစေတီများထိခိုက်ပျက်စီးခဲ့မှုအားပြန်လည်ပြင်ဆင်ရာတွင် မူလပုံစံမပျက်စေဘဲ ရေရှည်တည်တံ့ခိုင်မြဲရေးအတွက် စနစ်တကျကျွမ်းကျင်ပညာရှင်များနှင့်မွန်းမံပြုပြင်သွားမည်ဟု ရှင်းလင်းလျှောက်ထားခဲ့သည်။ ထို့နောက် နစက ဥက္ကဋ္ဌက ဆရာတော်ကြီးများထံမှဩဝါဒနာယူပြီး လှူဖွယ်ပစ္စည်းများဆက်ကပ်လှူဒါန်း၍ ဘုရားကြီးဘက်စုံပြုပြင်မွမ်းမံရန် အလှူတော်ငွေများကိုပေးအပ်လှူဒါန်းခဲ့သည်။
