တရုတ်ခရီးစဉ်အပြန် နစက ဥက္ကဋ္ဌကို အနုပညာရှင်များ ကြိုဆိုဂုဏ်ပြု
တရုတ်နိုင်ငံသို့ စီးပွားရေးဆိုင်ရာ ထိပ်သီး အစည်းအဝေးများ တက်ရောက်ပြီး ပြန်လည်ရောက်ရှိလာသည့် နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ကို ၂၀၂၄ ခုနှစ်၊ နိုဝင်ဘာ ၁၀ ရက်နေ့က နေပြည်တော်လေဆိပ်မှာ အနုပညာရှင်များက ကြိုဆိုခဲ့ကြသည်။
နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်သည် တရုတ်နိုင်ငံသို့ နိုဝင်ဘာ ၅ ရက်နေ့က သွားရောက်ခဲ့ပြီး ၆ ရက်နှင့် ၇ ရက်နေ့များတွင် ကျင်းပသည့် အဋ္ဌမအကြိမ် မြောက် မဟာမဲခေါင် ဒေသခွဲ ထိပ်သီးအစည်းအဝေး၊ (၁၀)ကြိမ် မြောက် ဧရာဝတီ-ကျောက် ဖရား- မဲခေါင် စီးပွားရေး ပူးပေါင်း ဆောင်ရွက်မှု မဟာဗျူဟာ ထိပ်သီးအစည်းအဝေး၊ (၁၁)ကြိမ်မြောက် ကမ္ဘောဒီယား- လာအို- မြန်မာ- ဗီယက်နမ် ပူးပေါင်းဆောင်ရွက်မှု ထိပ်သီး အစည်းအဝေးများသို့ တက်ရောက်ခဲ့သည်။
အဆိုပါ နစကဥက္ကဋ္ဌ၏ တရုတ်ခရီးစဉ်ပြန် ကြိုဆိုဂုဏ်ပြုပွဲအား နေပြည်တော်လေဆိပ်ရှင် သွားရောက်ကြိုဆို ဂုဏ်ပြုသော အနုပညာရှင်၊အတတ်ပညာရှင်များမှာ သရုပ်ဆောင်များ ဖြစ်ကြသော ရန်အောင်၊ ခန့်စည်သူ၊ စင်ရော်မောင်မောင် ၊ မေသန်းနု၊ စိုးမြတ်သူဇာ ၊ မေသဉ္ဇာဦး ၊ ဒိန်းဒေါင် ၊ ဆောင်းယွန်းစံ နဲ့အနုပညာရှင်များစွာ ကြိုဆိုဂုဏ်ပြုကြတာဖြစ်ပါတယ်။
