မြန်မာနိုင်ငံဆိုင်ရာ တရုတ်သံအမတ်ကြီး Ms. Ma Jia စတင်တာဝန်ထမ်းဆောင်ရန် မြန်မာနိုင်ငံသိုရောက်ရှိ
ပြည်ထောင်စုသမ္မတမြန်မာနိုင်ငံတော်ဆိုင်ရာ အထူးအာဏာကုန်လွှအပ်ခြင်းခံရသော တရုတ်ပြည်သူ့သမ္မတနိုင်ငံ သံအမတ်ကြီး Ms. Ma Jia သည်စတင်တာဝန်ထမ်းဆောင်ရန် မြန်မာနိုင်ငံသိုရောက်ရှိပြီဖြစ်ကြောင်း မြန်မာနိုင်ငံဆိုင်ရာ၊ တရုတ်သံရုံးမှ သိရသည်။
၎င်းသည် ၂၀၂၄ ခုနှစ် ဩဂုတ်လ ၁၂ ရက်နေ့တွင် စတင်တာဝန်ထမ်းဆောင်ရန် ရန်ကုန်မြိုသိုရောက်ရှိခဲ့ပြီဖြစ်ကြောင်း သိရသည်။
သံအမတ်ကြီး Ms. Ma Jia ရောက်ရှိချိန်တွင် မြန်မာနိုင်ငံ နိုင်ငံခြားရေးဝန်ကြီးဌာန မဟာဗျူဟာလေ့လာရေးနှင့် လေ့ကျင့်ရေးဦးစီးဌာနနှင့် သံတမန်ရေးရာဦးစီးဌာနမှ တာဝန်ရှိအရာရှိများနှင့် မြန်မာနိုင်ငံဆိုင်ရာ တရုတ်သံရုံးမှ အဓိကသံတမန်အရာရှိများက လေဆိပ်တွင်ကြိုဆိုခဲ့ကြပြီး Ms. Ma Jia သည် ၂၀ ယောက်မြောက် မြန်မာနိုင်ငံဆိုင်ရာ တရုတ်သံအမတ်ကြီး ဖြစ်ကြောင်း သိရသည်။
၎င်းသည် ပြီးခဲ့သည့် ဇူလိုင်လအတွင်းက တာဝန်ပြီးဆုံးပြီး ပြန်လည်ထွက်ခွာသွားသည့် မစ္စတာချန်ဟိုင်း၏ နေရာသို့ ရောက်လာခြင်းဖြစ်သည်။
