မင်္ဂလာဒုံမြို့နယ် ဘိုခြံ(ပုလဲ)လမ်းကွန်ကရစ် တိုးချဲ့
ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ရွှေနံသာစံပြကျေးရွာအုပ်စု၊ ပေါင်းကူးဉာဏရပ်ကွက်၊ ဂန္ဓမာလမ်း ထုတ်လုပ်ရေး ဌာနဝင်းအတွင်းရှိ ဘဲမွေးမြူရေးခြံနှင့် ဘိုခြံ(ပုလဲ)လမ်းကွန်ကရစ်ချဲ့ခြင်းလုပ်ငန်းများ ဆောင်ရွက်နေမှု အခြေအနေကို ရန်ကုန်မြို့တော်စည်ပင်သာယာရေးကော်မတီ ဒုတိယဥက္ကဋ္ဌ ဒုတိယမြို့တော်ဝန်ဦးညီညီနှင့်တာဝန်ရှိသူများလိုက်ပါ၍ ယနေ့နံနက်(၇)နာရီမိနစ်(၃၀)တွင် လာရောက်ကြည့်ရှုစစ်ဆေးခဲ့ကြသည်။
ထိုသို့ လာရောက်ကြည့်ရှုစစ်ဆေးရာတွင် ရန်ကုန်မြို့တော်စည်ပင်သာယာရေးကော်မတီ ဒုတိယဥက္ကဋ္ဌ၊ ဒုတိယမြို့တော်ဝန် ဦးညီညီနှင့် တိုင်းဒေသကြီးစည်ပင်သာယာရေးကော်မတီဝင်များ၊ ဌာနမှူးများက ကွန်ကရစ်လမ်းခင်းခြင်း၊ မျက်ကွယ်ကွေ့ နေရာများချဲ့ခြင်း၊ ကျောက်ရောမြေဖြင့် အမာခံလမ်းပြုပြင်ခြင်း ဆောင်ရွက်မှုအခြေအနေများကို လာရောက်ကြည့်ရှုစစ်ဆေး ခဲ့ကြောင်းသိရသည်။
